ලේසියෙන් චිත්‍රපට වලට සිංහල උප සිරැසි යොදමුද

චිත්‍රපටයකට යොදා ගැනෙන භාෂාව නොදන්නා විට එය රස විදීමට අපහසුය. එය මග හරවා ගැනීමට යොදා ගැනෙන උපක්‍රමය වන්නේ දන්නා භාෂාව යොදා ගෙන උපසිරැසි යෙදීමයි. ඉංග්‍රීසි හෝ හින්දි හෝ දමිළ බසින් හෝ ඇති චිත්‍රපට වලට සිංහල උප සිරැසි යෙදීම උදාහරණයකි. මෙසේ ඕනෑම චිත්‍රපටයකට සිංහල උප සිරැසි යෙදීම සාමාන්‍යපරිගණකයක් යොදා ගෙන කළ හැකි සරල වැඩකි. අද IT දැනුම බෙදාගමු වෙතින් අපි ඔබට කියල දෙන්නේ එය සිදු කරන ආකාරයයි.

මේ සදහා අනුගමනය කළ හැකි ආකාර දෙකක් ඇත.

1. චිත්‍රපටයේ ඉංග්‍රීසි උපසිරැසි සටහන සොයා ගෙන එය සිංහලය නැගීම.
2. අලුතින්ම උපසිරැසි යෙදීම.

මෙයින් දෙවන ක්‍රමය ටිකක් කරදරකාරී වැඩක් නිසා මන් අද පලමු ක්‍රමයට චිත්‍රපට වලට සිංහල උප සිරැසි යොදනා ආකාරය ගැන සාකච්ඡා කරන්න සිතුව.

මෙයට මුලින්ම ඔබට අවශ්‍ය චිත්‍රපටයේ ඉංග්‍රීසි උපසිරැසි සටහන සොයා ගත යුතුය. ඕනෑම ජාත්‍යන්තර චිත්‍රපටයක් සමග එහි ඉංග්‍රීසි උපසිරැසි සටහන නිකුත් කරනව. එම නිසා එය සොයා ගැනීම එතරම් අමාරු කටයුත් තක්නොවේ. පහල වෙබ් අඩවි වලින් ඔබට ඕනෑම චිත්‍රපටයක ඉංග්‍රීසි උපසිරැසි සටහන සොයා ගත හැක.  එම අඩවි වල  search box  එක තුල අවශ්‍ය චිත්‍රපටයේ නම සදහන් කොට සෙවුමක් කල හැක. එවිට එන Results එකේ Exact  යටතේ ඇති උපසිරැසි යොදා ගැනීම සුදුසුය.

• www.subscene.com
• www.opensubtitles.com

එම ගොනුව Download කරගත් පසු ඔබට ලැබෙන්නේ Zip File එකයි. පසුව එය පරිගනකයට Extract කරගත යුතුය. එවිට එම චිත්‍රපටයේ ඉංග්‍රීසි උපසිරැසි සටහන .srt යන File extention එකෙන් ඔබට දිස්වේ. 

පසුව චිත්‍රපටයේ ඉංග්‍රීසි උපසිරැසි සටහන ඔබගේ චිත්‍රපටය තිබෙන Folder එකටම copy කර. එම චිත්‍රපටයේ නම copy කරගත යුතුය. ( Right click කර Rename ගොස් ctrl + C press කරන්න ) ඉන් පසු එම නමම උපසිරැසි සටහනේ නම ලෙස යෙදිය යුතුය. එහෙත් .srt යන්න වෙනස් නොකල යුතුය. ( Right click කර Rename ගොස් ctrl + V press කරන්න ) . 

දැන් එම චිත්‍රපට දාවනය කර බලන්න. එවිට ඔබට එහි ඉංග්‍රීසි උපසිරැසි ඔබට බලා ගත හැක. එහෙත් අප කරන්න යන්නේ චිත්‍රපට වලට සිංහල උප සිරැසි යෙදීමයි. 

මේ සදහා ඔබගේ චිත්‍රපටයේ ඉංග්‍රීසි උපසිරැසි සටහන Notepad එකෙන් විවෘත කර ගත් යුතුය. (Right Click කර Open With > Notepad යන්න තෝරන්න ) මෙහි ඇති විශේෂත්වය එවිට පෙනෙනු ඇත. එක් එක් කාළ රාමුවට අදාල ඉංග්‍රීසි උපසිරැසි ඇති පේලි, එහි 1, 2, 3, 4 ආදී වශයෙන් තිබේ. චිත්‍රපටය දාවනය වීමට ආරම්භ වූ වේලාව 0 වශයෙන් සලකා කාලය සටහන් කොට ඇත. 

ඊට පහලින් එහි නිශ්චිත කාලය යෙදේ. ඊට පහලින් ඇත්තේ එම කාලරාමුවේදී පෙන්වීමට අවශ්‍ය උපසිරැසි කණ්ඩයයි. 

ඔබ කල යුත්තේ මේ උපසිරැසි කණ්ඩයන් පෙලින් පෙලට සිංහලට පරිවර්තනය කිරීමයි.මේ සදහා සිංහල Unicode යොදා ගත යුතුය. ( පැන්සල වැනි මෘදුකාංගයක් යොදා ගත හැක ) මෙහිදී එහි කිසිදු ඉලක්කමක් වෙනස් නොකල යුතුය. 

සියල්ල පරිවර්තනය කිරීමෙන් පසු මෙය save කළ යුතුය. File Menu එකෙන් Save as ගොස් File Name එක එලෙසම තිබියදී save as type තුලින් All Files තෝරා මෙහි En-coding තුල UTF-8 තේරිය යුතුය. පසුව Save කළ යුතුය. ( අවසානයේ මෙයද .srt Format එකෙන් තිබිය යුතුය ) 

දැන් ඉතින් කරන්න තියෙන්නෙ Play කරන එක විතරයි.

IT දැනුම බෙදාගමු මගින් කරන්න යන අළුත් වැඩකට ඔබත් සහබාගී වීමට කැමතිනම් ඔබත් දැන්ම අප හා සම්බන්ධ වන්න. ඔබටත් හොද ඉංග්‍රීසි දැනුමක් ඇත්නම් දැන්ම mail එකක් එවන්න itdanumabedagamu@gmail.com

සැයු: වේතනය මානසික තෘප්තිය පමණයි