Computer hardware සිංහලෙන් ඉගෙනගමු 3 වෙනි කොටස

 

සුපුරුදු විදිහටම අපේ  “IT දැනුම බෙදාගමු ’’ බ්ලොග් එකත් එක්ක එකතුවෙලා ඉන්න සියළුම දෙනාට සුබ දවසක්.

මේ වන විට Computer hardware සිංහලෙන් පාඩම් මාලාවත් එක්ක ගොඩක් දෙනෙක් එකතු වෙලා ඉන්නවා දැක්කම ලොකු සතුටක් දැනෙනවා.ඉතින් මගේ බලපොරොත්තුව තමයි මේ පාඩම් මාලාව පරිගණකයක් එකලස් කරල නිවැරදිව මෙහෙයුම් පද්ධතියක් ස්තාපනය හා එතනින් එහා කෙහොමද අපි පරිගණකය හා එහි අනෙකුත් උපාංග දීර්ග කාලයක් නිසි ක්‍රියාකාරිත්වයෙන් පවත්වාගැනීමට  නිවැරදිව නඩත්තු කරන්නේ කියන කාරණය දක්වාම කරගෙන යාම හැබැයි ඒකට ටිකක් කල් පාඩම් මාලාවත් එක්ක ඉන්න වෙනවා.

එහෙමනම් අපි පසුගිය පාඩම නතර තරපු තැනින් ඉදිරියට යමු.පරිගණන දෘඩාංග හා ඒවයේ කාර්යභාරයන් හදුනාගැනීම යටතේ අද අපි කතාකරනවා පහත සඳහන් අභ්‍යන්තර උපාංග ( internal components) සම්බන්දයෙන්

adapter cards

storage drives

internal cables.

adapter cards

අප විසින් ඇඩප්ටර් කාර්ඩ් යොදාගනු ලබන්නේ පරිගණකයේ කාර්යක්‍ෂමතාවය වර්ධනය කිරීම සඳහා වන අතර මේ යටතේ විශේෂිත කාර්යන් සඳහා භාවිතා වන උපකරණ හා නිසි ආකාරයෙන් ක්‍රිමයාත්මක නොවන උපාංගයක් වෙනුවට භාහිරව සවිකරන උපාංගත් ඇඩැප්ටර් කාර්ඩ් ගණයටයි අයත් වන්නේ,මේ හරහා සිදුවන කාර්යනම් අපට අවශ්‍ය අකාරයට අපගේ පරිගණකයේ සක්‍යතාවය වැඩිදියුණු කිරිමයි උදාහරණයක් ලෙස අපගේ පරිගණකයේ vga ධාරිතාවය 128 MB යැයි සිතමු ඔබට අවශ්‍යයි මෙයට වඩා ඉහල අගයක vga ධාරිතාවයක් (පරිගණක ක්‍රීඩා හෝ ඡයාරූප සංස්කරණය වැනි කාර්යන් සඳහා)  එවන් අවස්තාවක වැඩි ධාරිතාවක graphic card එකක් සවිකිරීම මගින් ගැටළුව විසදෙනවා ඒ වගේම network /sound වගේ පහසුකමුත් මේ ආකාරයට වැඩිදියුණු කරන්න අපට හැකියාව තියනවා.

අපට සුලබව භාවිතා කිරීමට අවශ්‍ය වන ඇඩැප්ටර් කාර්ඩ් සහ ඒවායේ කාර්යභාරය හදුනාගමු.

Network Interface Card (NIC) – පරිගණක ජාලයක් සමග හෝ අන්තර් ජාලය සමග නෙට්වර්ක් කේබලයක ආධාරයෙන් පරිගණකය සම්බන්ද කිරීම සඳහා

Wireless NIC – රැහැන් නොමැතිව රේඩියෝ තරංග මගින් පරිගණක ජාලයක් සමග හෝ අන්තර් ජාලය සමග පරිගණකය සම්බන්ද කිරීම සඳහා

Sound adapter – හඩ ලබා ගැනීම සඳහා

Video adapter –display හෙවත් අපට දර්ශණ  ලබාගැනීම සඳහා

Capture card –පිටතින් ලබාදෙන video/audio සංඥාවක් පටිගත කිරීමේ මෘදුකංගයක් හරහා දෘඩ තැටියේ (hard disk) ගබඩා කිරීම සඳහා

TV tuner – පරිගණකය මගින් රූපවාහිනී නැරබීමේ පහසුකම ලබාගැනීම සඳහා

මෙම සියළුම ඇඩැප්ටර් කාර්ඩ් පරිගණකය හා සම්බන්ද වන්නේ මදර්බෝර්ඩ් එකේ ඇති expansion slots හරහා වන අතර විවිධ වර්ගයේ ස්ලොට් මදර්බෝර්ඩ් එක තුල දැකීමට පුළුවන් තිරස් අතට තබන පරිගණකවල මෙම ස්ලොට් මදර්බොඩ් එකට තවත් අමතර පුවරුවක් මගින් සවිකර තිබෙන අතර සිරස් අතට තබන පරිගණක යන්ත්‍රවල මේවා මදර්බෝර්ඩ් එකෙහි ස්ථිරවම ස්ථාපනය කර තිබෙනවා.භාවිතාවන  slots අතර AGP/PCI/PCIE/MCA/ISA ආදි slots දකින්න පුළුවන් වුනත් අදවන විට බහුතර ඇඩැප්ටර් කාර්ඩ් ප්‍රමාණයක් අපට ලැබෙන්නේ PCI (Peripheral Component Interconnect)හෝ PCIE (Peripheral Component Interconnect Express) කියන ස්ලොට් ටයිප් දෙකෙන් AGP ස්ලොට් භාවිතා වන්නේ p3 වර්ගයේ මදර්බෝරඩ් වල Video adapter කාර්ඩ් සවිකිරීම සඳහා වන අතර අද වන විට එය භාවිතයෙන් ඉවත්වූ වර්ගයක් වර්තමාන මදර්බෝරඩ් වල AGP ස්ලොට් අපට හමුවන්නේ නැහැ.

storage drives

storage drives යනු දත්ත ගබඩා කිරීම සඳහා භාවිතා කරනු ලබන මෙවලම්, පරිගණකය මගින් දත්ත ගබඩා කිරීම සදහා ක්‍රම දෙකක් භාවිතා කරනු ලබනවා එනම් magnetic හෙවත් චුම්භක ශක්තිය මගින් දත්ත ගබඩා කිරීම හා optical හෙවත් ලේසර් කිරණ උපයෝගී කරගෙන දත්ත ගබඩා කිරීම. hard drive හා CD/DVD Rom වැනි storage drives සාමාන්යෙන් පරිගණක ආවරණය තුල ස්තිරව සවි කර ඇති අතර සමහර  storage drives usb/firewire  වැනි පෝර්ට් හරහා පරිගණකය හා සම්බන්ද තරනු ලබනවා

 වාර්තමානය වන විට ඉහත සඳහන් hard drive හා CD/DVD Rom වැනි storage drives ද usb පොර්ට් හරහා බාහිරින් පරිගණකය හා සම්බන්ද කිරීමේ හැකියාව අපට ලැබී තිබෙනවා.දැන් අපි සුලබව භාවිතා වන storage drives වෙන වෙනම හදුනා ගමු එනම්,

Floppy drive                                               

Hard drive

Optical drive

Flash drive

Floppy drive

 

Floppy disk drive එක භාවිතා කරනුයේ විද්‍යුත් චුම්බක ශක්තිය මගින් දත්ත ගබඩා කිරීමේ ධාවක උපාංගයක් ලෙස වන අතර මෙමගින් දත්ත ගබඩා කිරීමට අඟල් 3.5 ප්‍රමාණයේ 1.44 GB ධාරිතාවයෙන් යුත් ප්ලොපි ඩිස්කට් භාවිතා වනවා ඔබ දන්නවා අපගේ පරිගණකයේ ඩ්‍රයිවර්ස් ලෙටර්ස් නැතිනම් ධාවක ක්‍රමාංකය ආරම්භ වන්නේ ඉංග්‍රීසි C අක්ෂරයේ සිට බව ඔබ කිසි විටෙකත් සිතුවාද A ධාවකය නොමැති හේතුව,අපගේ පරිගණකයට Floppy ධාවකයක් සවිකර ඇතත් නැතත් තවමත් මෙහෙයුම් පද්ධතිය මගින් A ධාවකය ලෙස සලකන්නේ Floppy ධාවකයයි.කෙසේ වුවත් Floppy disk drive යනු වර්තමානයේදී භාවිතයෙන් ඉවත්ව ඇති පරිගණක උපාංගයක් එයට හේතුව නම් අද වන විට floppy disk එකක ගබඩා කලහැකි ධාරිතාවයට වඩා කිහිප ගුණයකින් වැඩි ධාරිතාවයෙන් යුත් ආදේශක භාවිතයට පැමිණීම එනම් ඉහල ධාරිතාවයෙන් යුත් Flash Drive හා dvd තැටි.

Hard drive

 

Hard drive හෙවත් දෘඩ තැටිය මෙය පරිගණකයේ ප්‍රධාන ස්ථීර දත්ත ගබඩා කිරීම් මාධ්‍ය වගේම මෙහෙයුම් පද්ධතිය ගබඩා වන්නේත් මේ තුලයි පරිගණකය මගින් සී ධාවකය ලෙස හාර්ඩ් ඩිස්කය හදුනා ගනු ලබන අතර ප්‍රධාන මෙහෙයුම් පද්ධතිය වගේම අනෙකුත් පරිගණක වැඩසටහන් සියල්ලම දරා සිටින හාර්ඩ් ඩිස්ක් එක පරිගණකයේ වැදගත්ම උපාංගයක් magnetic storage device එකක් වන මෙම උපාංගය තුල විද්‍යුත් පරිපථයක්,ධාවක මෝටරයක් හා කරකැවෙන චුම්බක් තැටියක් අඩංගුයි මෙම චුම්බක තැටිය මත දත්ත සටහන් කිරීම සඳහා සටහු හිසක් හෙවත් head එකක් ආධාරයෙන් සිදුකරනු ලබනවා. Hard disk එකක ධාරිතාවය මනිනු ලබන්නේ  gigabytes (GB) වලින් එමෙන්ම එහි වේගය revolutions per minute (RPM) හෙවත් විනාඩියකට කරකැවෙන වට ප්‍රමාණය කොපමණදැයි කියන ඒකකයෙන් මනිනු ලබනවා මෙම සියළුම දත්ත දෘඩ තැටියේ පිටත මුහුණතේ සඳහන් කර තිබෙනවා පහත පින්තූරයෙන් ඔබට මේ ගැන තව පැහැදිලි වෙයි.

දැනට භාවිතා වන Hard disk වර්ග දෙකක් තියනවා එනම් ATA හා SATA විදිහට ATA කියන එක අපි IDE කියලත් හදුන්වනවා මීට අමතරව SCSI කියන වර්ගයකුත් තියනවා මේවා වර්ග වෙන්නේ මූලිකව Hard disk යේ දත්ත සම්ප්‍රේශණ කේබලය සවිකිරීම සඳහා වන port එක අනුව මෙයට අමතරව කිව්වොත් සාමාන්යෙන් SATA Hard disk එකක දත්ත සම්ප්‍රේශණ වේගය ඉහල මට්ටමක පවතිනවා IDE Hard disk එකකට වඩා,මේවා ගැන සවිස්තරාත්මකව අපි ඉදිරියට කතා කරනවා ඉදිරි පාඩම්වලදී.

පින්තූර 

Optical drive

 

Optical drive කියන්නේ ලේසර් කිරණ භාවිතයෙන් දත්ත ගබඩා කිරීම හා එසේ ගබඩා කල දත්ත නැවත කියවීම සදහා භාවිතා කරන ධාවකයන් පහත සඳහන් ඒවා මේ යටතට ගැනෙනවා.

Compact Disc (CD) drive

Digital versatile Disc (DVD) drive

Blu-ray Disc (BD) drive

මෙම ධාවක මගින් අදාල වර්ගයේ තැටි තුල දත්ත ගබඩා කිරීම සිදුකරනවා එම දත්ත අයත් වන්නේ (read-only) කියන ගණයට නැතහොත් මෙම තැටිතුල තැන්පත් කරන දත්ත එම තැටිය තුලම නැවත අපට වෙනස් කරන්න සංස්කරණය කරන්න බෑ අපට පුළුවන් වන්නේ ඒවා පරිගණකය මගින් කියවීමට පමණයි එසේ වුවත් එම දත්ත පරිගණකයට පිටපත්කර ඕනෑම වෙනස්කමක් කිරීමට අපට හැකියාව තියනවා'

 මෙම තැටි මත ගබඩා කළහැකි ධාරිතාවය Compact Disc (CD) එකක උපරිම 700MB, Digital versatile Disc (DVD) වල තනි ලේයරයක් සහිත තැටියක උපරිම 4.3GB හා ද්විත්ව ලේයර් තැටියක උපරිම 8.5Gb, Blu-ray Disc (BD) තැටියක උපරිම 25GB ලෙසත් සඳහන් වනවා මෙම වර්ග තුනේම disk හෙවත් තැටි වර්ග දෙකකින් පවතිනවා එනම් RහාRW විදිහට මෙයින් R (recordable) යනු එක්වරක් පමණක් දත්ත සටහන් කල හැකි  නැවත මකා දැමිය නොහකි තැටි RW( rewritable) යනු නැවත නැවත දත්ත සටහන් කල හැකි තැටි කෙටියෙන් කීවොත් මෙම වර්ගයේ තැටි අවස්තා තිහිපයක් අපට භාවිතයට ගතහැකියි.සාමන්යෙන් අපි භාවිතා තරන්නේ (R) වර්ගයේ cd,dvd හෝ bd තැටි.

External Flash Drive

 

External Flash Drive යනු දත්ත හුවමාරුව සඳහා USb port හරහා පරිගණකය සමග සමබන්ද කරන මෙවලම් මේ යටතේ අපි සුලභවම භාවිතා කරන උපකරණයක් තියෙනවා ඒ තමයි pen drive එක මිට අමතරව විවිධ වර්ගයේ මෙමරි චිප්ස් අයත්වන්නේත් External Flash Drive වලටමයි මේවායේ විශේෂත්වය තමයි පරිගණකයේ විදුලිය විසන්ධි නොකර මෙම වර්ගයේ උපාංග පරිගණකයට සම්බන්ද කිරීම හා ගලවා ඉවත් කිරීම සිදුකිරීමට ඇති හකියාව

internal cables හෙවත් සම්ප්‍රේශණ රැහැන් හදුනාගනිමු

පරිගණකයේ ධාවක (Drives) සඳහා වර්ග දෙකක cables අවශ්‍ය  වෙනවා එනම් බලසැපයුම ලබාදීමට භාවිතා වන power cable හා දත්ත සැපයුම සඳහා භාවිතා වන data cable මෙයින් බල සැපයුම් කේබල් power supply එකත් සමග පවතින අතර මේවා වර්ග දෙකකින් දකින්න පුළුවන් එනම් Sata drivers සඳහා බලසැපයුම ලබාදෙන Sata power connector හා pata drivers සඳහා බලසැපයුම ලබාදෙන Molex power connector මේවයෙහි භාහිර ස්වරූපය අපි පළමුවැනි පාඩමේදි හදුනාගත්තා ඔබට මතක ඇති.

මෙයට අමතරව දකින්න පුළුවන් front panel cables මේවා පරිගණක ආවරණය(case) සමග සම්බන්ධිත අවාරණයේ ඉදිරිපස ඇති LED lights සඳහා බලය ලබාදීමට හා ඉදිරිපස usb හා වෙනත් port මදර්බෝරඩ් එක සමග සමග සම්බන්ද කිරීම සඳහා යොදාගනු ලබනවා.

Data cables අදාල උපාංගය හා මදර්බොඩ් එක අතර සම්බන්දය ගොඩනගනවා උපාංගයේ හා මදර්බෝරඩ් එකේ ඇති කනෙක්ටර් සමබන්ද කිරීමෙන් අපිට සාමන්යෙන් පහත ආකාරයේ Data cables හමුවනවා පරිගණක සමග කටයුතු කිරීමේදී.

Floppy disk drive (FDD) data cable සමබන්දක අග්‍ර  34 කින් යුත් පැතැලි හැඩැති මෙම කේබලය  යොදාගන්නවා  Floppy disk drive එකේ දත්ත සැපයුම සඳහා මෙම කේබලයේ විශේෂත්වයක් ලෙස අපිට දකින්න පුළුවන් එක් කෙලවරක වයර් කිහිපයක් පැති මාරු කර පටලවා ඇති ආකාරය.ide කේබලයක් හා floppy කේබලයක් ක්‍ෂණිකව වෙන්ව හදුනා ගැනීමට මෙම කරුණ ඉතා වැදගත් වෙනවා.

PATA (IDE/EIDE) 40-conductor data cable සමබන්දක අග්‍ර 40 කින් යුත් පැතැලි හැඩැති මෙම කේබලය  යොදාගන්නවා  pata drive හෙවත් IDE හාර්ඩ් ඩිස්ක් හා IDE CD, DVD drive  වල දත්ත සැපයුම සඳහා.සාමාන්යෙන් මෙම කේබලයේ කනෙක්ටර් තුනක් අපිට දකින්න පුළුවන් drive දෙකකට දෙකක් හා මදර්බෝර්ඩ් එකට සවිකිරීම සඳහා එකක් විදිහට,ඒ වගේම කේබලයේ එක් පැත්තක රතු පැහැති වර්ණ තීරුවක් දකින්න පුළුවන්.

SATA data cable සමබන්දක අග්‍ර 7 ක් තමයි මෙම වර්ගයේ කේබලයක අපිට දකින්න පුළුවන් වෙන්නේ මේවා keyed connector එහෙම නැතිනම් එකකින් එක් උපාංගයක් පමණක් සවිකිරීමට වෙන්කල cable විදිහටයි අපි හදුන්වන්නේ මෙහි දෙපස කනෙක්ටර් මගින් ඉතා පහසුවෙන් අපට උපාංගය හා මදර්බොර්ඩ් එක අතර සම්බන්දය ගොඩනැගිය හැකියි.

Input/output ports and cables හදුනාගනිමු.

මෙම data cable වලට අමතරව පරිගණකය හා සම්බන්ද කරන විවිධ වර්ගයේ උපාංගයන්හි දත්ත හුවමාරුව සඳහා (printers, scanners, and portable drives) අපට වෙනත් කේබල් හා පෝර්ට් භාවිතා කිරීමට සිදුවෙනවා මේ යටතේ අපට පහත දක්වන පෝර්ට් හා එයට අදාල කේබල් භාවිතා කිරීමට සිදුවෙනවා.

Serial

USB

Firewire

Parallel

Network

PS/2

Audio

Video

Serial Ports and Cables

Serial Ports and Cables මොඩම් හා ප්‍රින්ටර් වැනි උපාංග මෙමගින් සම්බන්ද කෙරෙන අතර  මෙම කේබල් මගින් දත්ත සම්ප්‍රේශණය කලහැක්කේ උපරිම අඩි 50 ක දුරකට පමණයි.

USB Ports and Cables

USB Ports and Cables මෙගින් විවිධ උපකරණ පරිගණකය හා සම්බන්ද කෙරෙන අතර මේ හරහා සම්බද කෙරෙන උපාංග අපි හදුන්වනවා hot-swappable drivers විදිහට එනම් මේවා පරිගණකය ක්‍රියාත්මක වන අවස්ථාවේදීම පරිගණකය සමග සම්බන්ද කිරීම හා විසන්ධි කිරීම කල හැකියි උපාංගයට හෝ පරිගණකයට හානියක් නොවී.කෙසේ වුවත් එක් USB Port එකක් හරහා අපිට එකිනෙකට වෙනස් උපාංග 127 ක් වරින් වර සවිකර භාවිතා කිරීම සිදුකල හැකි අතර ඉන් එහාට එම USB Port එකට සම්බන්ද කෙරෙන drivers වලට පරිගණකය ප්‍රතිචාර දක්වන්නේ නෑ මීට වඩා වැඩි උපාංග ප්‍රමාණයක් භාවිතා කිරීමට අවශ්‍ය වූ විට අපට USB hubs නැමති උපාංගය භාවිතා කිරීමට සිදුවෙනවා.කෙසේ වුවත් USB 1.1 පෝර්ට් හා උපාංගවල උපරිම දත්ත සම්ප්‍රේශණ වේගය 12 Mbps වන අතර වැඩි දියුණු කල USB 2.0 පෝර්ට් හා උපාංගවල මෙම වේගය 480 Mbps වෙනවා

FireWire Ports and Cables

FireWire Ports and Cables මගින්ද විවිධ උපකරණ පරිගණකය හා සම්බන්ද කෙරෙන අතර මේ හරහා සම්බද කෙරෙන උපාංගද අපි හදුන්වනවා hot-swappable drivers විදිහට

Parallel Ports and Cables

Parallel Ports and Cables බොහොවිට භාවිතා වන්නේ ප්‍රින්ටර් සඳහායි

Network Ports and Cables

Network Ports and Cables භාවිතා වන්නේ පරිගණකය කිසියම් ජාලයක් සමග(internet or local Area Network) සම්බන්ද කිරිම සදහායි මේ සඳහා RJ-45 port හා Connector යොදාගනු ලබනවා එතර්නෙට් කේබල් හරහා සිදුකෙරෙන මෙම කාර්යේදී උපරිම දත්ත සම්ප්‍රේශණ දුර අඩි 328 ට සීමා වෙනවා මෙහි සාමාන්‍ය වේගය 100 Mbps වෙනව’

PS/2 Ports

A PS/2 port භාවිතා වන්නේ keyboard සහ mouse පරිගණකය සමග සම්බන්දකිරීමටයි.

Audio Ports

An audio port මගින් ශ්‍රවණ උපාංග පරිගණකය හා සම්බන්ද කෙරෙන අතර මෙම උපාංගවල ප්‍රධාන පෝර්ට් තුනක් අපට දැකිය හැකියි එනම් Line In, Microphone හා Line Out

Line In භාහිරින් සම්බන්ද කෙරෙන උපකරණයක් මගින් පරිගණකයට ශබ්ද සංඥා ලබාදීම සදහා භාවිතා කෙරේ
Microphone පටිගත කිරීමක් වැනි දෙයකදී අපට අවශ්‍ය ශබ්ද සංඥා පරිගණකයට ලබාදීම සඳහා

Line Out පරිගණකයෙන් බැහැරට ශබ්ද සංඥා ලබාගැනීම සඳහා

ඉහත රූපයේ දක්වා ඇති ආකාරයට මෙම පෝර්ට් වර්ණ තුනකින් දක්නට ඇති අතර මෙම වර්ණ පොදු සම්මතයක් ලෙස නෙවෙනස්ව මෙම පෝර්ට් සඳහා යොදාගනු ලබනවා

Video Ports and Connectors

video port එක මගින් මොනිටරය හා පරිගණකය සම්බන්ද කිරීම සිදුකරන අතර මේ සඳහා පින්තූරයේ දක්වා ඇති VGA port එක යොදා ගනු ලබනවා මෙහි ඇති S-Video මගින් VGA port එක අක්‍රීය වූ විටක RCA jacks  එකක් මගින් තාවකාලිකව විඩියෝ සංඥා ලබාගෙන අපට පරිගණකය භාවිතා කල හැකියි.

 
මෙම උපාංග වලට අමතරව අපිට පරිගණක භාවිතයේදී හමුවෙනවා input devices හෙවත්  පරිගණකයත් සමග පිටතින් සම්බන්දකර භාවිතා කරන උපාංග මේ යටතේ අපට හමුවෙනවා,

Mouse and keyboard

Digital camera and digital video camera

Biometric authentication device

Touch screen

Scanner 

මේවා පරිගණකයට භාහිරව සම්බන්ද කලත් අපි මේවා හදුන්වන්නේ input devices විදිහට මේවා ක්‍රියාත්මක වෙන්නේ පරිගණකයත් සමග සෘජු සම්බන්දතාවයක් එක්ක.

තවත් අපට අවශ්‍යවන උපාංග වර්ගයක් තමා  output devices මේවා යොදාගන්නේ පරිගණකය මගින් එහි ඇති දත්ත තොරතුරු බැහැරට ඉදිරිපත්/සම්ප්‍රේශණය කිරීම සඳහා.පහත සඳහන් උපාංග මේ යටතට ගැනෙනවා,

Monitors and projectors
Printers, scanners, and fax machines
Speakers and headphones 

මෙම උපාංග ගැන ඉදිරියේදී සවිස්තරාත්මකව සාකච්ඡා කරන නිසා මෙම පාඩමේදී අපි ඒ ගැන වැඩිදුර කතාකරන්නේ නෑ.

එහෙමනං පාඩම් තුනකින් අපි පරිගණක දෘඩාංග සම්බන්ද මූලික දැනුම ඔබට ලබාදුන්නා දැන් ඔයාලට පරිගණක දෘඩාංග සම්බන්දව හොද මූලික දැනුමක් ඇති කියල මම හිතනවා.දැන් අපේ කට්ටිය හිතයි මීලග පාඩමෙන් අපි කරන්නේ පරිගණකයක් ඇසෙම්බල් කරන එක කියල හදිසි නොවී ටිකක් ඉන්න වෙනවා එකලස් කරන්න කලින් අපිට සිද්දවෙනවා මොනවයින්ද වැඩේ කරන්නේ මොනවද භාවිතා කරන උපකරන කියන එක හදුනාගන්න හා ආරක්‍ෂිතව මේ කාර්ය කරන්නේ කොහොමද කියන එක දැනගන්න ඒ හින්දා මීලග පාඩම වෙන් වෙන්නේ මෙන්න මේ කාර්ය සඳහා අපි මීලග පාඩමෙන් කතා කරන්නේ Safe Lab Procedures and Tool Use සම්බන්දයෙන්, හැමදාම කියනවා වගේ අදත් කියන්න තියෙන්නේ පාඩම ගැන ඔයාලගේ අදහස් අපිට කියල යන්න අමතක කරන්න එපා හොද හෝ නරක වගේම ඔයාලට ඇතිවෙන ගැටළුත් අපිට කියන්න.

මීලග පාඩමෙන් ඉක්මනින්ම හමුවෙමු 

ලක්‍ෂ්මන් රාජපක්‍ෂ

coputer hardware technician

cisco COMPTIA A+ qualified

 =========================================================================

computer hardware සිංහලෙන් ඉගෙනගමු පාඩම් මාලාවේ ලින්ක්

Computer hardware සිංහලෙන් ඉගෙනගමු 2 කොටස 

Computer hardware සිංහලෙන් ඉගෙනගමු 1 කොටස